La vertu seule est le bien souverain

La vertu seule est le bien souuerain, Et la vertu n’est vertu qu’aux allarmes, Par les combats on cognoist les gensd’armes, Dieux immortels, vostre bien est donc vain.  Vous estes ceints d’un fort rempart d’airain, Et ne craignez murmures ni vacarmes : Mais moi tout plein d’allarmes & de charmes, Ie me defends de cris, de pied, de main.  Si ie puis vaincre en dißipant mes chaisnes, Amour battu coulpable de mes peines Sera foulé aux pieds de ma raison :  Mais qui vaincroit aiant des corps paßibles, Veu que les Dieux, s’ils n’estoient impaßibles, Voudroient mourir en si douce prison ?

A. D. V.