Les rais de l’Eternel sont sainctes actions

 Les rais de l’Eternel sont sainctes actions, Les raions de ce Tout s’appellent des natures, Et les rais plus brillans de nous ses creatures, Sont sciences & arts noz meditations,  Trimegiste, di moi, ces longues paßions Que ie porte en mon flanc soubs les viues batures De l’Amour mon seigneur, sont-ce point les poinctures Des rais plus esclatans de ses perfections ?  Non, ce n’est qu’vn poison, vne racine immonde Qui bourgeonne au terroir de nostre petit monde, Qui tient comme vn Lion, nostre esprit abbatu :  Les rayons de l’Amour sont des très-douces flammes, Qui fomentent tousiours les plus diuines ames, Et lui-mesme n’est rien qu’vn lien de vertu.

A. D. V.