Mars, l’Amour, et la Mort, trois superbes gensd’armes

Mars, l’Amour, & la Mort trois superbes gensd’armes,  Estriuoient à grands cris pour le prix du Laurier :  La Mort monstroit sa faulx, Mars son estoc meurtrier,  Et l’Amour son carquois fontaine de mes larmes. La Mort plaidant son droict monstroit les tristes carmes  Des sepulcres pouldreux, & Mars l’auanturier  Déduisoit les beaux faicts d’henri le grand Guerrier,  L’Amour monstroit mon cœur tout couuert de ses armes. Les morts reprendront vie, & les Rois passeront,  Disoit Amour haultain, mes traicts demeureront  Dans le plus pur esclair des ames immortelles : Il est vrai, dit la Mort, ie le confesse außi,  Disoit Mars grommelant, car ce Tyran icy  Trompe ses dards aux yeux de la belle des belles.

A. D. V.