Le désespoir est un Roi furieux

Le desespoir est un Roi furieux Traisnant tousiours un gros camp de miseres, Nul n’est exempt de ses fieres choleres, Car en naissant on lui creua les yeux  Il prise autant l’Enfer comme les cieux ; Soudain qu’il a vaincu ses aduersaires, Il se défaict de cent poinctes contraires, Et en mourant se prend mesmes aux Dieux.  Chassez ce Roi qui enuahit mon ame, Par le support de voz rigueurs, Madame, Vous le pouvez d’vne seule faueur ;  S’il prend mon sein, vous en maudirez l’heure, Et pleurerez sur la longue demeure Que fait vostre œil à secourir mon cœur.

A. D. V.