Mon cœur hautain médisoit de l'Amour

Mon cœur haultain mesdisoit de l’Amour, Et mesprisoit en tous lieux ses mysteres ; Ores ie sens tes puissantes choleres, Pardon, Amour, ie te suyurai tousiour : Ainsi disoit empestré de maint tour,  De lierre seinct, de pampre & de viperes  Penthé hurlant soubs les Bacchantes fieres,  Qui dissipoient & son corps & son iour. Ainsi crioit (disoit l’Amour farouche)  c’est insensé ; mais le cri de sa bouche  Ne sceust fleschir l’vne ny l’autre Sœur : Tu en mourras, ne demande point grace,  C’est œil brillant t’estendra sur la place,  Et ces beaux doigts desmembreront ton cœur.

A. D. V.