Peintre qui veux avoir une œuvre façonnée

Peintre qui veux auoir vne œuvre façonnée, Sur toutes les beautez de la terre & des Cieux, Garde toi d’imiter le foudre de ses yeux, De peur d’estre puni comme fut Salmonée :  Peints sa bouche en bouchant ton oreille estonnée, De peur d’estre enchanté par son chant gracieux : Son sein est vn Gibel cachant fallacieux, Vn feu par qui ta main doit estre guerdonnée :  Mais lors que tu auras parfait tout le tableau, Garde toy d’estre faict toi-mesme ton tombeau, Empierré sans mercy de son regard habile :  Mon penser la peignit iadis dedans mon cœur, Et receut pour loyer le rocher son vainqueur, Dont il est demeuré pour iamais immobile.

A. D. V.