Pour avoir adoré voz beautez inhumaines

 Pour auoir adoré voz beautez inhumaines Et aymé plus que dieu voz yeux trop rigoureux, Ie souffrirai l’enfer idolatre amoureux, Et vous aurez l’enfer comme autheur de mes geines.  Ma veüe doublera dedans l’enfer voz peines, Et moi vous y voyant je serai bien-heureux, Treuuant vn Paradis dans l’Enfer mal-heuveux, Le prix de mes Amours sera prix de voz haines,  Mais d’autant que le mal se dissoult par le bien, Mon Paradis vaincra mon horrible lien, Et ie n’auray tourment qu’en voz tourments Madame.  Que si mon Paradis me rauit ce tourment, I’aime mieux mon Enfer que viure heureusement, Priué du sentiment des maux qu’aura vostre ame.

A. D. V.