Puisse advenir que ma fiere Maistresse

Pvuisse aduenir que ma fiere Maistresse Voiant le lict de mon sombre repos, En souspirant me tienne ce propos, La larme à l’œil & le sein en tristesse :  O sainct dépost, enfant de ma rudesse, Qui tiens mon cœur enlacé dans tes os, Reçoi benin ces pleurs & ces sanglots, Et les regrets que je respans sans cesse :  Tu gis icy pour m’aimer ardemment, Et i’y mourrai pour finir mon tourment ; Mais toi, bon Dieu, accompli mon enuie :  Que noz esprits soient vnis à tousiour, Et que noz corps soient ioincts en un seiour : Face la mort ce que n’a faict la vie.

A. D. V.