Quand je vais contemplant la divine beauté

Qvand ie vai contemplant la diuine beauté Dont le Ciel trop prodigue a paré vostre face, Et quand d’autre costé i’admire vostre glace,  Surion perpetuel de vostre cruauté, Ie veux d’vn cœur ardant bannir ma loyauté,  Cueillant du desespoir vne mortelle audace,  Et mon poignard haussé inuocque vostre grace  Prest à payer les droits de vostre royauté. Mais helas ! balançant & la mort & la vie,  Ie vous voy dans mon sein, d’où ie perds toute enuie  D’offenser le pourtraict du Seigneur de mon sort : Ainsi la mesme face a vn effect contraire,  Elle retient mon bras quand je me veux défaire,  Et lorsque je veux viure, elle auance ma mort.

A. D. V.