Quand j’ai défaict le dragon amoureux

 Qvand i’ai défaict le dragon amoureux, Mille pensers comme dents de sa bouche Naissent semez se donnans l’escarmouche De cœur, de corps, & d’estoc vigoureux.  A peine cinq de ce chãp mal-heureux Demeurent francs & de mort & de touche, Quand ma raison si bien les défarouche, Qu’elle bastit sa demeure auec eux.  O que ie crains aprés l’auoir bastie, De voir un iour ceste peau conuertie En un serpent par l’ire de l’Amour :  Et plus encor de conceuoir engeance, Qui me rongeant donne double vengeance A ce tyran qui maistrise mon iour.

A. D. V.