Qu’inférez-vous, menteurs, par vos beaux arguments

Qv’inferez vous, menteurs, par voz beaux Arguments,  Que toutes choses sont vn seul estre immobile ?  Vous n’auez fondement qui ne soit trop debile  La Nature le monstre auec ses mouuements. Et puisque le Cahos reçoit les ornements  Qui donnent l’estre heureux à la masse infertile,  Ornements differents, quelle reigle subtile  Peut establir le fonds de voz enseignemens ? Mais distes moy pourquoi ores feu, ores glace,  L’espreuue ores la paix & ores la menace,  Si tout est immobil comme ma loyauté ? Et si l’estre n’est qu’vn, que ne suis-ie en ma Belle,  Et ma rebelle en moi, en essence eternelle,  Toute vnique en Amour, toute vnique en beauté ?

A. D. V.