L'è mort el pittor Boss! Jesuss per lu

L’è mort el pittor Boss! Jesuss per lu, Sclamen, e passen i fedcl Cristian: I pretocch vicciuritt freghcn i man, E disen, mej! on candirott de pu.

Quij del mestee, ch’el veden in di pu, Goden de vess tant manch intorna al pan; I rìcch ozios ghe dan del barbagian A vesses bolgiraa per la virtù.

I malign, che hin pu spess che i galantomm, O de riff o de raff, o indrizz o stort, Cerchen, se ponn, de spiscinigh el nomm.

E mi, per consolamm del mè magon, Ghe disi a sto grand’omm che se l’è mort, L’è pur anch fœura d'on gran mond cojon.