Italian poem
La mia povera nonna la gh'aveva
by Carlo Porta (1775–1821)
La mia povera nonna la gh’aveva on vignoeu arent ai Pader Cappuscin: el guardian ghe le benediseva: i soeu fraa ghe beveven mezz el vin.
La nonna in del morì la me diseva: Te lassi sto vignoeu, el mè Franzeschin; s’el voeur bev el guardian lassa ch’el beva: usellin tira a casa el porscellin.
Quand ecco tutt a on tratt Napoleon el dà ona soppressada ai fratarij. S’ciavo suo, sur vin, la protezion.
Credeva de fann pù nanch on boccaa: inscambi mò hoo impienii tucc i vassij, inscambi hoo bevuu anch quell che dava ai fraa.
Eppur in sti agn passaa gh’avarev giugaa el coo che senza lor no scusavem nè nun nè nost Signor!