Oh carin, beatin, mattin, smorbiin

Oh carin, beatin, mattin, smorbiin, Arcadin poetin, ciccin, contin, Puresin col tossin, che in Parnassin Pien d’estrin fa frin frin col ghitarrin,

Pian pianin, bell bellin, ch’el tropp foghin Nol te scalda el pissin, contin ciccin. Te preghi per mammin, per papparin, Per tutt i bortolin bergamaschin,

Te preghi per l’acquin del fontanin Che lava el mostaccin de Doridin In sul poggin verdin, freschin, gingin;

Inin te preghi per el cardeghin Dove te fee settina a fà cacchin E a fà versin de tutt e duu i boggin.