Autre Chanson

Helas amour pourquoy Environnes d'ennuiz Moy qui ne veux ne puis Resister contre toy?

Loué tu serois bien De vouloir molester Ceux qui au pouvoir tien Presument resister.

Je scay que ta pitié Incessamment me fuit, Car froyde est l'amitié Si le tourment ne suit.

C'est dont les maux je sens Que tu me fais avoir, Qui sans mort recepvoir Tousjours ilz sont naissans.

Vien vien contre moy donq En ire t'enflammer. Le mal sera bien long, Si je laisse d'aymer.