Als sich min sinne

Als sich min sinne nach ir minne stelsent vnde hulfe si mir es were ir súnde nicht wan sender smerze wil min herze bringen in todes has ob si das nicht versicht vf mine trúwe· si wirt schuldig an mir ob nicht ir güte min gemüte tröstet es ist min tot lieb die not klage ich dir

LAs dich erbarmen mich vil armen wunden du tůst mir das du gist bas mir ǒch wol das tů noch reine wan ich meine dike mit trúwen dich als ǒch ich billich sol wan ich bin gar vnd gar lieb din eigen knecht min kúneginne bring mich inne trostes est nicht zefrů wan darzů hast dú recht

Das recht dú here lange sere brichest swie lob von mir doch ie dir vs erschal vnd dir min trúwe ie so núwe waren das alles veruie mich doch nie uberal doch mechte ich niemer ir lob gesingen gar doch sol die süssen min lob grüssen iemer so ich beste kan dauon wan si ist so clar