Sit das al min

Sit das al min höchste fröide an dir stat liebe trute mine so heis noch mir din rotes múndel geben rât das mit sinem schine machen kan vil klůgú herzen sinnelos ach here got· wie rechte los sach ich von ir ein lachen

Swer also clar ir kússen gar· dur súberlich gütlich möcht er werben wol tusent iar müst er fröilich fröien sich vnde solt er sterben iemer mere füre sin sele deste bast eia truter munt nu gib mir das son getrur ich niemer

Uil gros gedank lat mich nu vil selten vri liep vor allen vrǒwen din kel so blank vnd din lip so lieb mag si wan mag an dir schǒwen hende weich noch wisser zên stunt danne ein snê alles das dú hast was sol des me ist súberlich an ende