Sich fröwet min gemüte zallen stunden

Sich fröwet min gemüte zallen stunden durch ein reine selig wip dv́ mir rechter güte hat enbunden gar von sorgen mir den lip dv́ ist behůt valsches hoch gemůt vnd ist werd swenne ir mundel lachet so loslich si das machet das min herze zv̊ ir gert

Ach dvr got wie rechte zartlich wende kunnen sich ir ǒgen clar zwar si treit gar slechte wîsse hênde wolgestalt vnmassen gar sint da dein inne ich wene nein tar ichs ie so ist ir blanke kel des ich nicht enhel wisser danne tusent sne

Man seit swa man ringe nach des werde ime ze leiste doch sin teil so las mir gelinge· an dir vil werde ich rang ie das von dir heil mir geschehe lieber lib lac sehe hast dus můt sprich ia süsse reine wiltus aber meine ia ia ia sprich sost es gůt