Si reine si schöne si herze liebe gůte

Si reine si schöne si herze liebe gůte si selig wib alleine· wont gewalteklichen in minem můte ir lieber lib můs mir doch iemer der liepste sin so rot wart nie noh enwirdet niemer als ir vil trutes múndelin

IR lachen ir glêsse· ir liechten ǒgen blicken ir werder grůs kan machen· das vor fröiden in dem lib erschriken min sele můs das hab ende selkes wart nie nicht durch got secht· ir kel ir weichen hênde die sint wisser danne ichtes icht

Ich wolde ir gevangen sin gerne· vnuerdrossen so das si mich dort solde· in blanken armen haben geslossen niemer könd ich min leit gerechen an der truten bas ir múndel kust ich vnd wolde sprechen sich diner röte habe dú das