Ach got wes zichet mich dv́ vrǒwe min

Ach got wes zichet mich dv́ vrǒwe min das si mir tůt gros vngemach sin weis vmbe was ir eigen diener wil ich iemer sin wan sist so gůt tůt si mir we si tůt mir wol bas sweme das si zorn ich han si zetrost erkorn so schönes wart zer welte nie geborn secht wêlck ein wip ziether wie rechte zart ist ir lib

Ein múndelin so rechte rosen rot wa mag das sin niender des swůr ich wol einen eit sist dv́ dur die min herze lidet not ach wer si min so wer min truren gar hin geleit miner fröiden funt lit an ir zaller stunt ir ǒgen lv́chtent dur mins herzen grunt secht welk ein wip ziether wie rechte zart ist ir lip