Carmen I

Cum desperatâ fratrem languere salute, Et nullâ redimi posse putaret ope; Dîs vovet Hippolytus, getico duna currit ab orbe, Manibus ipse suum, vivat ut ille, caput. Vota deos faciles habuere: Alphonsus ab orco Eripitur, fratris fratre obeunte vices. Morte tua, Pollux, redimis si Castora, munus Accepturus idem das, nec obis, sed abis: Quod dedit hic, nunquam accipiet, nec lusus inani Spe reditus avidi limina Ditis adit.