Carmen VII

Qui patriæ est olim iuvenis moderatus habenas, Quique senum subiit pondera pene puer; Quem molles elegi ostendunt, seu grandia mavis, Sive canenda lyra carmina quantus erat; Herculis hic Strozzæ tegitur cinis: intulit uxor Barbara, Taurellæ stemmate clara domus. Quale hoc cumque suo statuit sacrum ære sepulchrum, Iuncta ubi vult chari manibus esse viri.