Carmen VII

— Ignaro servum domino promittere quicquam Posse ratum, mores scriptaque iura vetant. — Hoc mihi, Timothee, in patriam discedere tecum Pollicito, intorto verbere dixit Amor. Quid faciam? iubet ille; rogas tu: terret herilis Sævitia; ipse fidem poscis: utrumque trahit. Durus Amor, flectique nequit; tu mitis et idem Exorandus: ad hæc tu vir, et ille Deus. Iam quid agam teneo: veniam sperare benigne Malo, quam promptæ tradere colla neci.