Carmen VIII

Quis iacet hoc gelido sub marmore? — Maximus ille Piscator, belli gloria, pacis honos. — Numquid et hic pisces cepit? — Non.— Ergo quid? — Urbes, Magnanimos reges, oppida, regna, duces. — Dic quibus hæc cœpit piscator retibus? — Alto Consilio, intrepido corde, alacrique manu. Qui tantum rapuere ducem?— Duo numina: Mars, Mors. — Ut raperent quidnam compulit? — Invidia. — Nîl nocuere sibi; vivit nam fama superstes, Quæ Martem, et Mortem vincit et Invidiam.