Me dois-je taire encore, Amour ?…

Me dois-je taire encor, Amour ? Quelle apparence ! Jamais esprit ne fut forcé comme le mien : Il faut ou denouer ou rompre ce lien, Et d’un dernier effort tenter ma delivrance.

Trop de discretion nuit à mon esperance ; En fin je veux sçavoir ou mon mal ou mon bien, Et quitter ce respect qui ne sert plus de rien Que d’un sot exercice à ma perseverance.

Mon amour ne veut plus servir si laschement : Elle ostera bien tost ce foible empeschement. Rien plus ne me sçauroit obliger à me taire.

Philis se rit d’un mal qu’elle me voit celer, Et me juge un enfant qui ne sçauroit rien faire, Puis que comme un enfant je ne sçaurois parler.