Frammezzo ai picchiabanchi, ai battimani

Frammezzo ai picchiabanchi, ai battimani Ai pestapiedi, ai fischi ed al bordello S’avanza il Professore; e in atti strani Torcendosi, piegendosi, il cappello Girando ed abbassando, con le mani Ringrazia, si compiace e si fa bello; Si siede alfin, si drizza e ricompone, Poi comincia così la sua lezione:

Son vegnudo piuttosto un pò tardeto N’e vero? xe passada la mezz’ora; Ma se le vole che ghe parla schieto; A ste inezie che quà ghe passo sora; Tant’e tanto pò mi in t’un quardoreto Fazzo più che ne i g’ialtri i fa in t’un’ora E a lori sta mezz’ora xe stupenda Per fìadar un pocheto, e far merenda.

Le diga un poco, siori miei, le diga In confidenza cossa ghe ne pare: S’el professor ghe spargna la fadiga, Ghe spargna el tempo (e i noti) senza fare Alcun dano al profito, che i n’ha miga Da lassar d’imparar per far più presto, Signori no, che no m’intendo questo.

. . . . . . . . . . . . .

Lori i g’ha da imparar; oh questo sì! E vogio che i g’impari, e ben pulido; Ma quando digo, e gh’el prometo mi, (E s’el prometo è segno che me fido), Quando che a lor signor digo così Che no g’ho sogezion, che me ne rido De scrupoli, de quarti, e de mezz’ore, So cossa digo, e sono Professore.

No fazzo per vantarme, ma me pare Che dopo d’aver fado l’avvocato Nel foro de Venezia per l’afare D’un disdot’anni: dopo aver trattato Delle cause da far trasecolare Denanzi a quell’Esimïo Senato, Denanzi al Doge, e de tutto de pianta L’intrego gran Consiglio dei Quaranta,

Dopo d’aver stampado due trattati, Che za no tocc a ami a star qua a lodarli; Ma che ghe posso dire che i xe stati D’incontro (e se i volesse esaminarli Lor signori, se alcuno l’ gi ha comprati O se alcuno volesse comperarli, L’ g’assicuro che za non xe cari E che i spenderà bene i so danari);

Dopo d’aver percorso una carriera Na trafila d’impieghi, e soto ai Stati Ex-Veneti, da prima quando g’era A Venezia, e pò a Bressia sti an passati, E adesso con un posto de sta sfera Soto ai nostri governi illuminati, Me par de darme solo el fatto mio Se digo, son Giureconsulto anch’io!

Posto zio, stimo ben che la lezione De st’ozi, la podemo consumare Fazendo un poco de ripetizione; La diga dunque giun de lor, glie pare Chn la sia giusta la definizione Che l’ gi antichi Romani le vol dare Dell’azione così: Nil aliud esta Quam giussa persequendi... e quel che resta?

Le risponda chi vuol, chi se sovviene De sta cossa, che za no la xe tanto Fazil da ritener: le diga bene . . . Le me risponda via! che tanto o quanto... — Ela!.., la diga pur... No l’vole? ebbene Gh’el diga un altro che ze tant’e tanto.. A lei dunque, su, presto, nol se intrighi Da bravo, là! corazio! semo amighi.

Lei dunque el me responde, e con ragione La dise ben, che xe mutilata Xe defetiva la definizione Che l’ gi antichi Romani ci han lasciata: Ma saprebbe mo dir la corezione Che in la lezion de gieri abbiam portata Dietro le nostre riflessioni critiche Giudïziario-storico-analitiche?

La diga ela.. o quell’altro.. o questo qua.. Diga chi vole, insoma,., Nò i responde?... Ah! capisso ben mi cossa sarà, I ghe par cosse un po’ troppo profonde... N’el vero? no i g’ha ancor capazità Che baste per capire el come e el donde... Ebben, che i staga attenti, e guardarò De spiegargliele melgio che potrò.

L’azione (attenti), come za l’abbiamo Detto fin gieri, e come lori ha scritto No posso dir de più quando la chiamo Un puro e semplicissimo diritto De ripeter quod jure noi possiamo Domandare dal g’ialtri, come ho ditto, E d’opponersi, (attenti digo) a ziò... Ma par che el sone l’ora, i tase un pò!...

Si xe proprio sonada in sto momento, Siche per ozi le potrà bastare, Lor signori le aguzzi el so talento, Le zerchi de capir, de penetrare, Quando che i sarà soli, proprio drento Nel sugo de la cossa, che me pare D’averghe dato in struco ad ezzelenza L’ g’ ianalìtici semi della Scienza.

E lor signori sempre le vedrà Che mi no g’ho riguardi, e son sinzero, E con la naturai mia libertà Filosofica, andrò contro l’intero Corpo de quanti errori ghe sarà, I fosse ben dei grandi dell’impero; L’amor del Vero e la Filosofia No i guarda in tei mostazzo a chi se sia. —

Ciò detto, spiccò un salto, e complimenti, Colle solite sue Pantalonate, Dispensò senza fine agli studenti, Che al suon di potentissime risate L’accompagnaron: si sentir frequenti, Frammezzo a tossi equivoche, fischiate, Ma credendole applausi e acclamazioni Sogghignò il pantalon de’ pantaloni.