L’Innocente trompée

CETTE ieune Beauté dont ie fais tant d’estime, Et que Daphnis adore auec tant de raison ; Cét obiect sans deffauts, & sans comparaison, Qui n’a pas vn penser qui ne soit legitime.

Amaranthe est trahie, ô detestable crime ! Et sans s’apperceuoir de ceste trahison, De la main d’vn Barbare elle prend du poison, Et s’auance à sa perte innocente victime.

Celuy qui la trahist, m’en a dit le secret, Ie n’en puis voir le cours sans mourir de regret, Et ie pers mon Amy s’il faut que ie le die.

Mais il se faut resoudre en ceste extremité, Car mes ressentimens par vne perfidie La doiuent asseurer de ma fidelité.