Portrait d’une rare beauté

PENSER audacieux, pourray-ie t’exprimer, Pourray-ie executer ce que tu me proposes, Et dépeindre en ces vers tant d’adorables choses Que l’Enuie elle mesme est contrainte d’aimer ?

Amour aßiste moy, commençons à former Son visage de lys & sa bouche de roses, Où dans vn double rang des perles sont écloses, Qui n’ont iamais paré les Nymphes de la mer.

Faisons ce teint de neige, & composons de flame L’esclat de ses beaux yeux, de ces Rois de mon Ame, Par qui l’Astre du iour se verroit effacer.

Dieux ! le pourtrait d’Iris est si beau qu’on l’admire : Mais la Nature en elle a voulu surpasser Tout ce qu’on peut penser, & tout ce qu’on peut dire.