La Pitié cruelle

PVisqu’on ne peur rien voir d’esgal à ta beauté, Et que le Ciel t’a faite außi fiere que belle ; Prend ce poignard, Clorinde, & par ta cruauté Donne de ta clemence vne preuue nouuelle.

Fais vn acte au iourd’huy d’vne Diuinité Sans faire de contrainte à ton humeur cruelle ; Et monstrant ta douçeur dans l’inhumanité, Gueris d’vn coup mortel vne atteinte mortelle.

Ah Perfide ! tu crains de me prester ta main ; Tu ne penserois pas faire vn acte inhumain D’afranchir mon esprit d’vne peine si grande :

Ô Dieux ! l’ingrat Obiect pour qui ie meurs d’amour Me refuse vne mort quand ie la luy demande, Pour m’en faire souffrir plus de mille en vn jour.