La Vangeance

OLIMPE, en me quittant, vous m’auez fait plaisir ; De bon cœur ie rens grace à vostre ingratitude, Puis qu’elle m’a tiré de ceste seruitude Où i’auois trop perdu de peine & de loisir.

Vn plus digne sujet arrestant mon desir, Me donne plus de ioye & moins d’inquietude ; Et quand i’en receurois vn traictement plus rude, C’est le plus beau destin que ie voudrois choisir.

Vne chose m’afflige en seruant ceste Belle, C’est que la cognoissant, ieune, chaste, & fidelle, Auecque des appas qui peuuent tout rauir ;

Ie voy que ie ne puis offrir à sa puissance Que ceste mesme foy dont ie vien de seruir La mesme Perfidie, & la mesme Inconstance.