CD (Pero cantigas de loor)

Pero cantigas de loor fiz de muitas maneiras, avendo de loar sabor a que nos dá carreiras como de Deus ajamos ben, sol non tenno que dixe ren: ca atant' é comprida a loor da que nos manten, que nunca á fida.

Pero fiz com' oý dizer que fez Santa Soffia, que sa mealla offreçer foy, ca mais non avia, a Deus de mui bon coraçon; mais o meu é mui mor don que lle dou mui de grado, e cuid' end' aver gualardon mui grand' e muit' onrrado.

Ca pero o don mui pouc' é, segund' a mia pobreza, non catará est', a la ffe, a Sennor da franqueza; ca por un don, esto sey ja, que ll'eu dé, çento me dará dos seus mui nobres dões, e a mia mingua comprirá conos seus gualardões.

E poren lle quero rogar que meu don pequen[inn]o reçeb' e o queyra fillar por aquel que meninno no seu corpo sse figurou e sse fez om' e nos salvou por nos dar parayso, e pois consigo a levou, e foi y de bon siso.