XXVIII (Todo logar mui ben pode |…)

Todo logar mui ben pode | sseer deffendudo o que a Santa Maria | á por seu escudo.

Onde daquesta razon un miragre vos quero contar mui de coraçon, que fez mui grand' e fero a Virgen que non á par, que non quis que perdudo foss' o poboo que guardar avia, nen vençudo. Todo logar mui ben pode | seer deffendudo...

De com' eu escrit' achei, pois que foi de crischãos Costantinobre, un rei con oste de pagãos vo a vila cercar mui brav' e mui sannudo, pola per força fillar por seer mais temudo. Todo logar mui ben pode | seer deffendudo...

E começou a dizer, con sanna que avia, que sse per força prender a cidade podia, que faria en matar o poboo myudo e o tesour' en levar que tian ascondudo. Todo logar mui ben pode | seer deffendudo...

Na cidade, com' oý, se Deus m' ajud' e parca, San German dentr' era y, un santo Patriarcha, que foi a Virgen rogar que dela acorrudo foss' o poblo sen tardar daquel mour' atrevudo. Todo logar mui ben pode | seer defendudo...

E as donas ar rogou da mui nobre cidade mui de rrig' e conssellou que ant' a majestade da Virgen fossen queimar candeas, que traudo o poboo do logar non fosse, nen rendudo. Todo logar mui ben pode | seer defendudo...

Mas aquel mouro Soldan fez-lles põer pedreiras per' aos de dentr' afan dar de muitas maneiras, e os arqueiros tirar; e assi combatudo o muro foi sen vagar, que toste foi fendudo. Todo logar mui ben pode | seer defendudo...

E coyta soffreron tal os de dentro e tanta, que presos foran sen al, se a Virgen mui santa non fosse, que y chegar con seu mant' estendudo foi polo mur' anparar que non fosse caudo. Todo logar mui ben pode | seer defendudo...

E ben ali u deceu, de Santos gran conpanna con ela appareceu; e ela mui sen sanna o seu manto foi parar, u muito recebudo colb' ouve dos que y dar fez o Soldan beyçudo. Todo logar mui ben pode | seer defendudo...

E avo dessa vez aos que combatian que Deus por ssa Madre fez que dali u ferian os colbes, yan matar daquel Soldan barvudo as gentes, e arredar do muro ja movudo. Todo logar mui ben pode | seer defendudo...

Aquel Soldan, sen mentir, cuidou que per abete non querian envayr os seus, e Mafomete começou muit' a chamar, o falsso connoçudo, que os vess' ajudar; mas foy y decebudo. Todo logar mui ben pode | seer defendudo...

Ali u ergeu os seus ollos contra o ceo, viu log' a Madre de Deus, coberta de seu veo, sobela vila estar con seu manto tendudo, e as feridas fillar. Pois est' ouve veudo, Todo logar mui ben pode | seer defendudo...

Teve-sse por peccador, ca viu que aquel feito era de Nostro Sennor; poren per niun preito non quis conbater mandar, e fez come sisudo, e na vila foi entrar dos seus desconnoçudo. Todo logar mui ben pode | seer defendudo...

Pera San German se foi aquel Soldan pagão e disse-lle: «Sennor, oi mais me quer' eu crischão per vossa mão tornar e seer convertudo e Mafomete leixar, o falsso recreudo. Todo logar mui ben pode | seer defendudo...

E o por que esto fiz, direi-vo-lo aginna: segundo vossa lei diz, a mui santa Reinna vi, que vos vo livrar; pois m' est' apareçudo foi, quero-me batiçar, mas non seja sabudo.» Todo logar mui ben pode | seer defendudo...

Poderia-vos de dur dizer as grandes dõas que aquel Soldan de Sur deu y, ricas e bõas; demais foy-os segurar que non fosse corrudo o reino, se Deus m' anpar, e foi-lle gradeçudo. Todo logar mui ben pode | seer defendudo...