Carlo Porta, poetta ambrosiän

Carlo Porta, poetta ambrosiän, No vorrend vess creduu per on baloss, Prima perchè a sto mond el g’ha quajcoss, £ pœu perchè el g’ha minga el coo balzan,

El protesta e el dicciara a tutt Milan, Che tucc quij vers che gira e ghe dà addoss A re, governa, prenzep e pèss gross, No hin farina fada col sò gran.

E però el prega quij cagazibett Che ogni bott el battezzen per autor, A vess on freguîn pussee discrett.

Giacchè de scriv stì bozzer de cavall No l’è nè on vis-de-cazz, sul gust de lor, Nè el g’ha come i lumagh la cà sui spall.