Do que ben serve sempr'oí dizer

Do que ben serve sempr'oí dizer que ben pede: mais digo-vos de mí, pero que eu, gran temp'ha, ben serví ũa dona que me ten en poder, que non tenho que, per meu ben servir, eu razón hei de lhi, por én, pidir o maior ben dos que Deus quis fazer.

Ben entend'eu que logar deve haver o que ben serve de pidir, por én, ben con razón, mais est'é tan gran ben que lhi non pod'outro ben par seer, pois d'eu ben servir ũa dona tal por lhi pedir ben que tan muito val sol non no dev'en coraçón poer.

E, meus amigos, quen ben cousecer o mui gran ben que Nostro Senhor deu a esta dona, ben certo sei eu, se houver sén, que ben pode entender que, per servir, quantos no mundo son non deven sol põer en coraçón que pedir possa en tal ben caber.

Por end'a min convén, querend'ou non, de servir ben en havendo razón, que, per servir, haja ben d'atender.