L’Amour de mes pensers

L’Amour de mes pensers, comme de son pinceau, Vous peint à mon esprit, si ie clos ma paupiere Ie vons vois en dormantt, si ie suis sans lumiere, Pour m’éclairer de nuit vous estes mon flambeau.

Si ie suis sur la terre, ou si ie suis sur l’eau, Vous me suivez sur terre, & dessus la riuiere : Car ie vous voy tousiours & deuant & derriere, La croupe du chenal, la poupe du bateau.

Encor que de mon corps le vostre soit absent, A mon esprit tousjours vostre corps est present : Conçeuez—vous cela ma diuine maîtresse.

Si penetrer les corps par son agilité Est la propre action de la diuinité, L’amour m’avoit bien dit que vous estiez deesse.