Que les formes de

QVe les formes de toutes choses Soient comme dit Platon encloses En nostre ame, & que le sçauoir N'est sinon se ramenteuoir, Ie ne le croy, bien que sa gloire Me pervuade de le croire. Car de iour & de nuict depuis Que studieux du Grec ie suis, Homere deuenu ie fusse, Si souuenir ici me peusse D'auoir son Roumant entendu, Ains que mon esprit descendu Et mon corps fussent ioints ensemble. Mais c'est abus l'esprit resemble Au tableau tout neuf où nul trait N'est par le peintre encor protrait, Et qui retient l'ancre premiere, Lambin d'Horace la lumiere, Qui par tes vers pleins de douceurs As ramené les Muses Sœurs.