Le Miroir enchanté

AMARILLE en se regardant Pour se conseiller de sa grace ; Met auiourd’huy des feux dans cette glace ; Et d’vn cristal commun fait vn miroir ardant.

Ainsi touché d’vn soin pareil, Tous les matins l’Astre du Monde Lors qu’il se leue, en se mirant dans l’onde, Pense tout estonné voir vn autre Soleil.

Ainsi l’ingrat chasseur dompté Par les seuls traits de son image ; Panché sur l’eau, fit le premier hommage De ses nouueaux desirs à sa propre beauté.

En ce lieu deux hostes des Cieux Se content vn secret mystere. Si reuestus des robes de Cithere, Ce ne sont deux Amours qui se font les doux yeux.

Ces doigts ageançans ces cheueux, Doux flots où ma raison se noye, Ne touchent pas vn seul filet de soye Qui ne soit le sujet de plus de dix mille vœux.

Ô Dieux ! que de charmans apas, Que d’œillets, de lys & de roses, Que de clartez, & que d’aimables choses Amarille destruit en s’escartant d’vn pas.

Si par vn magique sçauoir On les retenoit dans ce verre, Le plus grand Roy qui soit dessus la Terre Voudroit changer son Sceptre auecque ce Miroir.