Si mon âme est de feu, pourquoi n’est elle esteincte

Si mon ame est de feu, pourquoi n’est elle esteincte Par tant & tant de flots qui coulent de mes yeux ? On te fait trop de tort, Oïle audacieux, De noyer dans la mer ton corps, ton cœur, ta feincte.  Et si l’ame est l’accord de ceste masse estreincte Par les liens puissans qui flottent soubs les cieux, Galien, di pourquoi tant d’obiects soucieux Discordans dedans moi ne l’ont encor desceincte ?  Mais l’ame est sans douter l’amome Assyrien, C’est l’image naïf de nostre plus grand bien, C’est le souffle immortel de la forme des formes :  Pourquoi te crains-ie donc si ie suis immortel, O Amour, qui n’es rien qu’vn appetit mortel, Diffamant les humains de cent playes difformes ?

A. D. V.