CLXXXVIII (Esta é da donzela que amava…)

Esta é da donzela que amava a Santa Maria de todo seu coraçon; e quando morreu, feze-a seu padre abrir porque põya a mão no coraçon, e acharon-lle fegurada a omage de Santa Maria.

Coraçon d' om' ou de moller que a Virgen muit' amar, maca-lo encobrir queiran, ela o faz pois mostrar.

Desto ela un miragre mostrou, que vos eu direi, a que fix bon son e cobras, porque me dele paguei; e des que [o] ben ouverdes oido, de certo sei que averedes na Virgen poren mui mais a fiar. Coraçon d' om' ou de moller que a Virgen muit' amar...

Esto por ha donzela mostrou a Sennor de prez, que mui de coraçon senpre a amou des menynnez e servia de bon grado; poren tal amor lle fez, que o ben que lle queria non llo quis per ren negar. Coraçon d' om' ou de moller que a Virgen muit' amar...

Esta donzela tan muito Santa Maria amou, que, macar no mund' estava, por ela o despreçou tanto, que per astença que fazia enfermou, e un mes enteiro jouve que non pode ren gostar Coraçon d' om' ou de moller que a Virgen muit' amar...

Do que a comer lle davan e a bever outrossy. E pero que non falava, segund[o] com' aprendi, se lle de Santa Maria falavan, en com' oý, ao coraçon a mão ya tan toste levar. Coraçon d' om' ou de moller que a Virgen muit' amar...

A madre, que ben cuidava que era doente mal e que o põer da mão era ben come sinal que daquel logar morria; e quis Deus, non ouv' y al, que a ssa Madre beita a fosse sigo levar. Coraçon d' om' ou de moller que a Virgen muit' amar...

O padr' e a madre dela, quando a viron fir, cuidaron que poçon fora e fezórona abrir; e eno coraçon dentro ll' acharon y sen mentir omagen da Groriosa, qual x' ela foi fegurar. Coraçon d' om' ou de moller que a Virgen muit' amar...

E dest' a Santa Maria deron poren gran loor eles e toda-las gentes que eran en derredor, dizendo: «Béeita sejas, Madre de Nostro Sennor, que a ta gran lealdade non á nen averá par.» Coraçon d' om' ou de moller que a Virgen muit' amar...