Stoccada de Akmett

Akmett cont i sœu duunota, no avend coracc, De fa ona bonna azion de Franzescan, M’han miss a l’impegn mì col mè mostacc Per cercagh in sto Agost la bonna-man.

In la mia qualitaa donch de messacc, Sciori, ve preghi de slargà la man; Deghen giò di danee fina ch’hin sacc; Che la sciallen anch lor, sangua d’on can.

Cerchee de fa el vost cunt; che in quant a meret Ghe n’han, che gh’è nagotta de digh sù, E infin de l’ann el menna quell preteretnota.

In quant pœu al besogn, alla boletta, Cisto Maria! se pò cercà de pù, Quand per procurador gh’han on poetta?