Swem ze můte

Swem ze můte nach dem gůte si der erne löne der bereite sich des ist zit wol vf knechte vnd ǒch rechte stolze dirne schöne löne gůte man v́ da git dar kumt manig schönú schar wol im wol im wol swes lieb kunt dar wan er dike minnezike mag im da irzeigen· secht das tůt in sorgen bar

IN der erne pfligt man gerne fröide vnd wilder sinne wan da hůte ist nit zeuil da wirt kosen mit vil losen sprúchen von der minne dar zů manger wunnen spil we wie ist erne rechet so gůt wan so wol gesellen tůt knappen klůge wol mit fůge zů dien dirnen schöne· dc fröit vúr des meijen blůt

Möcht ich kunden manger stunden mich zů miner frowen das tet mir ǒch sorgen bůs merker hüten kan so wüten so ich si wolte schowen das ichs dike miden můs swie min wunne lit an ir vnd ich so kûme verbir min gelúke manger stúke iemer also bitet ald sin bringens zemen mir