La camisce de lu ruffïane

I

(Sei misce prime de lu matrimonie)

— Guè, Giuvannì’, mo t’arifì nu ggire? ’sta piazze sci li mezze cunzumate e pure i’ ti lègge lu pinzìre... Li vo’ sapè’? Tu sci t’annammuràte

di Flumenucce de la Cantinìre... — Brave, zâ Mariantò’, sci l’azzeccàte! E quant’è queste, famme nu piacire: vàmmici’ a parle’, famme ’sta ’mmasciate,

dìjele ca nen dorme da tre misce, mi strùjje a la jurnate gnì nu ’nguente, ca m’àje fatte secche gnì nu spete!...

— Ci vàjje, ma... prepàre la camisce di tela fine... — Te ne facce cente! di tele? te le vùjje fà’ di sete!

II

(Sei misce dope de lu matrimonie)

— Bon giorne, Giuvannine, finalmente ci’ arivedème!... E che manìr’è quesse? Prime ci’ ’ncuntravàme spesse spesse, la notte, sutt’a acque e sutt’a vente...

Mo... che vol dire lu core cuntente!... manche zâ ’Ntonie t’è rimaste ’mpresse, sci ti scurdate pure la prumesse... — Quala prumesse? — De lu cumplimente

de na camìsce... — Già, chela camìsce! E vi’ a la case. — Mo te vùjje bene! Stasere venghe prime de le diece.

ma n’te scurdà’ prepàre la camìsce... — Vi’ bballe, na camìsce è la pene?... Ca te ne vùjje fa’ une de pece!...