La cocce di San Donate

I

Appena dope la messa cantate, tra bbumme, bbande e sone di campane zi’ Gisuvè, lu cape debbutate, chiamà l’appelle ’nche na carta ’mmane,

pe’ la pruggessïùne a San Donate. — Stannarde avande... bbande di Lanciane... appresse, ’ntorce... conche de lu grane... cungrèhe e virginelle a ’st’âtru late... —

Stave già pronte la pruggressïùne ma San Donate n’avè’ ’scite ancore, picchè dentr’a la chiese li cafune

avè’ ’ncucciate pe’ ’ncollà’ lu Sante e certe strille si sentè’ da fore: — A diece lire... — A quìnece... — A quarante!... II

Ma aspitte e aspitte, fore chela gente, sott’a le ragge di lu sullïune, si stave a ’nfastidì’: — Ma che ’ccidente, èsce o ne èsce ’sta pruggessïùne?

— C’è tempe? e che s’aspette? — E a nu mumente stave a succede’ na confusiùne, tante che Gisuvè capì lu vente, si fece larghe ’mmezz’a li cafune;

’ntrà dentre e disse: — Avante! A chi sta ’nnanze la Statua arimane aggiudicate. — Sùbbete si presente na paranze

di quattre, si vestì, pahà la spese, mittì sopr’a le spalle San Donate e s’avvïà pe’ ’sci fore la cchiese. III

Ma quande is truvà sott’a la porte (i’ ne’ le sacce quille a che pensave) nisciune de le quattre s’avè’ ’ccorte ca San Donate allòche n’ci passave.

Gnà ci passave, Criste? Se na sorte di statua accuscì grosse scumpallava cchiù di un palme sopr’a l’archetrave? Perciò trumènte ’scè’ pe’ lu trasporte

sbattì lu musse ’n facci’a lu passande... nu scrocche, nu remùre crichelùgne e po’ la cocce di Sante Donate

fece na ’ntrambïate che gni quande stav’a magnà’ nu lècen’appirugne... e si spaccà gni nu merecanàte! IV

Biastème, strille!... Succedì na fìre! Che ti sentive! — Fore tutte quente! — Chiude la porte! Nen fa’ ’ntr’ la ggente! — È le peccate! È le dispiacire! —

— Zitte! Gna s’arisolve ’sta faccende?! — Mettèmie n’atra cocce. — Che sti’ ddire? vu’ fa’ lu ’nserte? — le purtème ’ngire senza la cocce, nè je fa nïente.

— Ma come! San Donate senza cocce. se proprie quelle va pe’ ’nnumenate? — Gnarnò, ne èsce la pruggessïune

— fece zi’ Pasquarelle lu Mammocce — picchè s’à fatte queste San Donate vol dire ca n’ci te la ’ntenzïune! V

— Nen si fa cchiù! Ma vu’ che stet’a ddire?! — arispunnì lu cape debbutate. — Stèteve zitte ca se m’ariggire st’affare le fenème a cortellate!

Haje cacciate settemila lire! E chi me l’aridà? Tenghe pahàte ddu’ bbande. E la cucagne? E la carrire? chi sburse? L’artefizie sta piantate!

Senze, macàre!... Ma n’si pô suspènne! — Senza lu Sante?!... — E vi fa ’mprissïune? Lu Sante sole nen po’ i’ girènne,

se la pruggessïùne nen va appresse; ma car’ amiche, la pruggessïune senza lu Sante se pô fa’ l’istesse. VI

— Quatrèra mi’, vi denghe nu cunzije — fece lu sacrestane, zì, Pasquale; — dicè li vicchï antiche: a grande male cchiù grande lu repare. Mo si pije

n’àvetru sante... E vi fa maravije? Ci sta San Giuvacchine. È tale quale: te’ l’angele, la mitre, lu messale... Ma po’ le sante è tutte na famije.

— Piane!... Che fa?... La festa a San Donate, mo se l’acchiappe nu San Giuvacchine qualunque? — disse Ndrè de la Murice.

— Silenzie — arispunnì lu debbutate — queste l’à da risolve’ don Peppine lu Preposte. Senteme che ne dice. — VII

— Ma — fece lu Preposte — San Donate è sempre San Donate benedette; però San Giuvacchine, scià lodate, manche è scarte! E quande ci si mette

le fa da mastre... È ca San Donate te s’à ’mparate a fà, chelu scherzette, ma è cchiù cose de la nnumenàte. La gente ha paure, l’arispette:

lu specialiste!... Ma San Giuvacchine sa fa’ di tutte: cìquele, nefrite, n’ti pu’ fijà? Divente na mammine!

fa da ’ngignìre e fa da manuvàle, le pu’ chiamà se ti’ n’ugne ’ncarnite, t’ajute se ti scade na cambiale... VIII

— Va bbone? — E come! — Ma chi sa la gente che dice, mo che vede n’âtru sante... — Lu sante? Gisuvè, chï ci te’ ’mmenteP A la pruggessïùne chï va ’nnante

camine e non s’accorge di nïente; quille di’ rrete, pu’ vedè’ sultante la mitre e lu culore de lu mante... Perciò curagge e... pinz’a sta’ cuntente!

— E allora, zi’ Pasquale, quand’è queste, apre la nnicchie di San Giuvacchine. — Ne’ sta a la nnicchie, sta a la sacrastìje,

pecchè l’âtr’anne, dope de la feste, siccome s’avè’ rutte le vetrine, l’arichiudemme alloche... — E vall’a pije. — IX

Dèntr’a la sacrastìje, a nu pentùne, tra casce, banche e sègge sgangaràte stave San Giuvacchine, abberrutàte ’nche na paràta vecchie, Du’ persùne

le caccià fore, e dope, a une a une, prìiete, pellegrine, debbutate, s’avvicinà’ pe’ da’ na remunnate. S’avisse viste quant’attenzïùne!

La gente chi ’mrbunè’, chi spruvelàve... Zi’ Gisuvè’ ’nche na ranàra ’mmane, mettè’ la furie all’èvetr’e levave

le tele de le ragne, Pasquarelle pulè’ la pàten’e lu sacrastane, ’ncacciune, arilustrave le pianelle... X

— Sta pronte? — Pronte... — Embè, che ci-aspettete? è tarde. — Chiame ’Ntonie o che mi porte nu scarparelle. — Sùbbete. — Schiuvète San Donate. Quatrè’, stetev’accorte

’nche ’stu San Giuvacchine... Acchiapp’arrète. Piane! N’avess’avè’ la stessa sorte... mettete ’ncolle... Pòpele, sfilète! — strillà zi’ Gisuvè — Larg’a la porte... —

Tra bbumme, bbande e sone di campane, cungrèhe, ’ntorce, conche e virginelle s’arimittì ’ncamine a mane a mane.

Nisciune addummannà c’avè’ successe, le prìiete archiappà’ lu riturnelle e la pruggessïùne ’scì lu stesse.