Ô doux parler, dont l’apast doucereux

Ô doux parler, dont l’apast doucereux Nourrit tousjours la faim de ma mémÔire : Ô front, d’Amour le Trofée et la gloire, Ô dÔux sÔuris, Ô baisers savoureux : Ô cheveux d’or, Ô coutaux plantureux De liz, d’oeillets, de porfyre, et d’ivoyre : Ô feux jumeaux, dont le ciel me fit boire À si longs traits le venin amoureux : Ô vermeillons, Ô perlettes encloses, Ô diamans, Ô liz pourprez de roses, Ô chant qui peut émouvoir un Lion, Et dont l’accent nos âmes vient espoindre : Ô corps parfait, de tes beautez la moindre Mérite seule un siège d’Ilion.