Qui que tu sois, bien grand et très heureux sans doute

Qui que tu sois, bien grand et bien heureux, sans doute, Puis que Deheins en parle et qu’il t’estime tant, Voy la troupe des Sœurs qui se dispose toute A courre avecques toy sur l’empire flotant.

Thetis ne frappera ta nef qu’en la flattant, Tu choisiras les vents, et la celeste voute De tous ces feux joyeux, sur ton chef esclattant, Caressera tes yeux et guidera ta route.

Quelque terre incognue où tu viendras à bord, Tes vers cognus partout seront ton passeport. Mais non ! ne les prends pas avecque toy dans l’onde :

Le soleil, qui ne vid jamais rien de si beau, Enchanté, parmy nous, s’amuseroit dans l’eau Et d’une longue nuict aveugleroit le monde.