Lu destine

I

È state mo, chell’àvetra matine, ’Nnanz’a la chiese de la ’Ddulurate nu vecchie che sunave lu pianine, dicé’: «Currète, non vi vruvignate,

avete dispiacere? Avete spiane? Saprete l’avvenire e il passate Due soldi, e il pappagalle ammaestrate vi troverà il cartelle del destine».

Che! Lu destine? E m’arivenne a ’mmente di quande Mammaròsse certe sere parlave di destine: «È gnì lu vente,

— dicè’ — n’si vede e suffie, dà le stratte, t’accide, t’accarezze, è nu mistere!...». Mo, pe’ ddu’ solde... e chï nen se l’accatte? II

M’avvicinive. Chelu vicchiarelle aprì lu spurtellucce: «Avanti amore! — fece — sortite fuore, Rosinelle, prendetemi il destine del signore».

Lu pappahalle ’scì da lu spurtelle, fece tre quattre zumpe allòche fore: ma mentre tenè’ ’mmocche lu cartelle, èsce la hatte di Zi’ Cassiedore,

l’affèrre ’ncanne, e ttele gnì lu vente. «Acchiappe! Aiute!... Addie lu capitale! — fece lu vecchie. — Leste bbona gente!...».

Ma chela hatte avè scappate a bballe, si i’ a fficcà sott’a nu capescàle e si magnà destine e pappahalle!...