Lu puverelle cioppe

I

— N’ci vajje cchiù? Gna vu’ che ci-arrivajje dope lu fatte di chell’avetr’anne? — Ma alloche stive bbone, se ne’ sbajje! — Scine, ci jave du’ tre vôte all’anne,

mi dave pe’ durmì’: rimesse e pajje, e mi facè magnà’. Ma, pe’ Sant’anne!, Se i’ so ciopp’o no, diche, sti guajje che je ne ’mporte a jsse, a don Giuvanne?

— Ma che gna fu? — Gna fu? Fu a San Donate, verse le quattre all’ore di carrìre, m’avè’ ’llungàte ’nterre a la vutate

de lu Cancelle Rosce e le quatrine nenguè’. La ggente mi parè’ na fìre: carrozze, bbiche, n’si vedè, la fine. II

Arrive don Giuvanne ’n carruzzine, purtave nu cavalle rosce e bianche, nen sacce mo se quelle fu la stanche o se fu l’ombre di chelu casine;

lu cavalle s’abbocche a mane manche, streppe lu crocche de lu velancìne, dese nu zumpe, me cascà vicine e s’arivutrìja ’mmezz’a lu fanche.

I’ nen putè scappà’ ca ere cioppe. Ma quande mi vidive lu cavalle che s’arihàvezà, girà la groppe...

tele!... Scappìve pe’ le cost’abballe... Quelle che succedì, manc’a nu cane! Fischiate, strille, fìquere, patâne... III

— E mo’, d’allore, n’ci la rincuntràte? — Come! ci jve chela sera stesse. I’ mi credè’ ca se n’avè’ scurdate; appene mi vidì’ mi curr’appresse

’nche na varrelle: — M’ô pijà pe’ fesse? — fece, — va fore, latre svergognate!... Sci le capìte mo che m’à successe? Quande mi vedè’ ’nterre struppïate;

puverelle, dicè’ mi confurtave, mo che s’accorte ca tenghe ’ste cosse che, ’n graz’a Ddi’, me pare du’ culonne,

mo t’aja struppïà! Se ne’ scappavem cullu’ a ddavere mi tritàve l’osse. Che bbella carità, per la Madonne!