Lu secrete di professione

I

— C’à fatte, Margiuva’, ’ssa crïatùre? E quesse mo si more, mo si ’ncante! Till’a ripose, fajje fà na cure... — Na cure? Marnicò, n’à fatte tante!

Fin’a chell’âtru jurne, na misture frastire! Me custave chi sa quante! Je l’avè urdinate Don Custante lu mèdeche... Pensave: è sicure!...

Quande ci-a ripassà jere matine, vidì lu’ stucce, se le pijà ’mmane e fece: «Che ccos’è ’sta medicine?

Se vostro fije prende ’sta robbacce non campe manche n’altra settimane!...» Cummara bbelle, attàccheme le vracce! II

Fortune ca ’ncuntrive Catarine che me le disse: «Vu’ salvà’ ’ssu fije? Mann’a ffà fotte’ mìdech’e cartine, pùrtel’a la mahòne, a zà Cunzijè...»

— E ci sî state? — Ci-aje state, scine, j’à date la midolle di cunìje, j’à fatte lu decotte di filìne e già s’arinsanguàte ’sta muschije!

St’affare, don Custante, se ne’ sbàjje, l’àvut’a risapè’, picchè stasere, quand’è minùt’a bballe a ddà lù tàjje

a Cicche, pe’ levàrle na mahàgne, j’à fatte crichelà la pella nere gnì quande c’à crastate na castagne! III

Ma... dicè’ bbone ’Ntonie de la Lisce: «Lu mèdeche e lu prèjete, va ’nnante ca une quande scrive n’si capisce, e n’atre n’se capisce quante cante».

Lu mèdiche ti taste e po’ ti ’mpïsce na carte di cciappitte, e tu, ’gnurante, curr’a lu spïziale che spidisce... E paghe gni nu fesse: — Coste tante! —

Le midicine fa’ tutte n’effette: te’ sempre nu culore e nu sapure; se immèce capassème la ricette,

n’âvetra vòte ci jassème nu’ pe’ fàrie preparà chela misture, e ’sti duttùre ’n ci servesse’ cchiù. IV

Lu prèjete: di cante e di lamente, la cocce te le fa gni nu vascelle. Tu te le ’mpere, fî lu racanelle, ’ngiarmèje e nen capisce ma’ nïente.

Ma se lu marpïone masanelle parlasse che gna parle tutte quente, sarebbe n’âtra cose la faccente... L’arrangiassème nu’: sutt’a nu ’mbrelle,

tu cantisce le requie a Caitàne, Caitàne le cantasse a zi’ Dunate... E ci sta Giusuvè de lu Trattore

che da trent’anne fa lu sacrastane: ’mbè! se sapesse lu significate, cullù a chest’ore fusse Monzignore.